Este mes na biblioteca... trío de ases!

Xa estamos en abril, un mes cheo de celebracións. Aquí tes un resumo das actividades que van ter lugar na biblioteca e no centro ao longo do mes:

• Exposición: Trío de ases. Adicamos o taboleiro da biblioteca a homenaxear a tres grandes escritores que, a pesar do tempo pasado, seguen tendo vixencia hoxe en dia. Xa sabes de quen falamos? Pois si, de Cervantes, Shakespeare e Valle-Inclán. Participa nas celebracións e espalla polo centro citas famosas destes escritores. Tamén poderás ver nos expositores do centro unha selección das súas obras. Anímaste a lelas?

• Actos polo 25 aniversario do centro: A Basella está de celebración! Ao longo do mes teremos charlas, unha comida e máis actividades para celebrar esta data tan importante.
• Celebración do Día do Libro: como todos os anos, celebraremos o Día do Libro por todo o alto! Haberá unha feira do libro, concursos literarios, lecturas compartidas...e algunha que outra visita sorpresa...quen se paseará polo centro?

Marzo: Mulleres e literatura. As sinsombrero

As sinsombrero é un proxecto que pretende dar visibilidade a unha serie de mulleres que tamén formaron parte da Xeración do 27, compartiron espazos e actividades con escritores como Lorca, Alberti, con pintores como Dalí ou cineastas como Buñuel. Eles son nomes de sobra coñecidos por todos e todas e elas foron esquecidas. Podes visitar a web do proxecto ou ver un vídeo sobre este proxecto

Este mes na biblioteca...Mulleres e literatura

Para celebrar o 8 de marzo, Día da Muller Traballadora, este mes  todo xira na nosa biblioteca  ao redor da muller. Falaremos no noso blog de muller e literatura, de mulleres científicas e artistas esquencidas e moitas veces silenciadas.Nos expositores poderás atopar suxestións de lecturas relacionadas coa muller e haberá, ademais, un concurso sobre este tema. Estade atentos e atentas a todas as novidades!

Xa temos gañadora do noso concurso Quen é quen? Amores de libro

   O martes 1 de marzo, no 2º recreo fixemos o sorteo entre todos aqueles que completaron correctamente o cuestionario coas dez parellas do concurso. Moitas grazas a todos por participar e parabéns aos acertantes, especialmente as nosas concursantes máis novas, Antía Señoráns Couceiro e Carla Fernández Bóveda, de 1º de ESO. A escollida no sorteo foi Aida Ferreiro Galbán de 1º de Bacharelato C. Parabéns e esperamos que disfrutes do teu bono- regalo !

 Estas eran as dez parellas que buscabamos:

1. Mary Shelley e Percy Shelley
2. Píramo e Tisbe
3. Arthur Rimbaud e Paul Verlaine
4. Dante Alighieri e Beatriz Portinari
5. Bella Swan e Edward Cullen
6. Don Quijote e Dulcinea
7. María Teresa de León e Rafael Alberti
8. Anna Karenina e Alexis K.Vronsky
9.  Tristán e Iseo ( Isolda)
10. Orfeo e Eurídice

 En marzo haberá un novo concurso. Animádevos a participar!

Hora de ler, hora de lecer!

Mañá empezamos o día da mellor das maneiras: lendo un bo libro! Non esquezas traer algunha das túas lecturas favoritas.

Lembrade: o mércores a primeira hora temos hora de ler!

Concurso Quen é quen? Amores de libro

Hoxe acaba o prazo para entregar o cuestionario do noso concurso. Xa tes identificadas todas as parellas? Moita sorte e grazas por participar!

Concurso Quen é quen? Amores de libro. Parella nº 10

Chegamos  á última parella do noso concurso. Esta é a pista para a parella nº 10:

"A protagonista desta historia da mitoloxía grega morreu pola mordedura dunha serpe. O seu namorado,  despois de chorala moito,  descendeu valentemente ao Tártaro esperando recuperala e levala de volta. Coa súa melancólica música, encantou ao barqueiro Caronte, ao Can Cerbero e a os tres xuíces dos mortos amoleceu o  seu duro corazón, e díxolles que o motivo da súa viaxe era a súa esposa e suplicoulles que a  deixasen marchar . Estes concedéronlle a su petición cunha única condición: que non mirara atrás ata que ela estivese a salvo baixo a luz do Sol. Ela seguiuno  polo escuro pasadizo guiada polos sons da súa lira, pero cando chegaron a onde xa había luz solar el volveuse para comprobar se ela o seguía, pero como a súa esposa aínda tiña un  pé na sombra e entón perdeuna para sempre."

Se completaches o cuestionario non esquezas entregalo na biblioteca o luns. Moita sorte!