Aviso

Ao longo desta semana, a biblioteca permanecerá aberta durante todo o horario lectivo. O préstamo de libros comezará nuns días, cando estea actualizada a listaxe de usuarios. Moitas grazas

Benvidos e benvidas a este novo curso!

Empezamos un novo curso con moitísimas ideas e ganas de traballar na biblioteca do instituto. Todo o que se fixo o ano pasado deu os seus froitos e este ano, por vez primeira, fomos selecionados para formar parte do PLAMBE ( Plan de Mellora de Bibliotecas Escolares). Isto anímanos máis que nunca a seguir traballando para poñer ao día a nosa biblioteca. As nosas liñas de actuación son as seguintes:

• Mellora do espazo físico da biblioteca para facelo máis agradable, cómodo e funcional.
• Renovación e actualización dos fondos da biblioteca
• Creación de novos espazos de lectura no centro: actualizar as bibliotecas de aula, crear recunchos de lectura na cafetería e outros espazos.
• Formación de usuarios: achegar a biblioteca ao alumnado do centro
• Dinamización : a través de actividades, concursos,clubes de lectura, o blog da biblioteca, celebración de efemérides...
• Coordinación do proxecto documental do centro deste curso.
• Colaboración coas familias.

Contamos con a vosa axuda, suxestións e participación para facer da biblioteca un espazo vivo, de todos e todas.

E ti, que queres?

Na biblioteca podes atopar centos de libros para ler

E ti que fas cando acabas un libro?

Non te preocupes, miles de libros novos agardan por ti na biblioteca

En boca de....Groucho Marx

Un pouco de humor...

Será así o noso futuro?

Razóns para ler

O teu cerebro necesítao