Estreamos sección no blog!

Queres facer unha crítica do libro que acabas de ler? Non sabes que libro escoller e gustaríache saber que lles pareceu aos teus compañeiros e compañeiras? Consulta a nosa nova sección no blog: O lector crítico.

Cada semana publicaremos críticas literarias feitas polos vosos compañeiros e compañeiras.

Esperamos que participedes  e nos mandedes as vosas críticas ao correo da biblioteca: biblioabasella@gmail.com

Manda unha breve reseña do libro ( título, autor, xénero - aventuras, amor...- e argumento - sen spoilers !!!!!- ) e a túa crítica. Indica tamén o teu nome e curso.

Hora de ler, hora de lecer!

Mañá a 4ª hora, aproveita para abrir unha porta a novos mundos a través da lectura. Que disfrutes da nosa hora de ler!

Hora de ler, hora de lecer!

Inauguramos a hora de ler de 2016. Lembrade que mañá martes día 12 de xaneiro a nosa hora de ler será a 3ª hora. Seguro que tedes novos libros para ler. Aproveitade!

Benvidos!

Xa estamos de novo aquí! Empezamos un novo trimestre e xa sabes que na biblioteca podes atopar os libros de lectura obrigatoria desta avaliación, podes estudar, consultar internet, ler cómics,"cotillear" no recuncho das novidades, apuntarte ao club de lectura, colaborar no noso blog...

E ti, que les?

Queres ilustrar o noso post semanal Hora de ler, hora de lecer? Envía unha foto orixinal relacionada coa lectura ( o teu rincón favorito para ler, o teu libro favorito, o que estás lendo estes días...) ao correo da biblioteca  biblioabasella@gmail.com e as fotos seleccionadas recibirán un premio e serán publicadas ao longo do mes de febreiro para anunciar a nosa hora de ler. Participa! O prazo de recepción de fotos remata o 31 de xaneiro

Hoxe e noite de reis!

Xa tes escrita a túa carta aos Reis Magos? Non esquezas pedir algún libro novo para a túa biblioteca.

Feliz 2016!

Empezamos un novo ano cheo de novas lecturas e actividades na biblioteca. Esperamos que disfrutedes deste espazo que compartimos no centro e que sigades participando en todas as actividades que organicemos desde a biblioteca. Bibliobasella deséxavos un feliz ano. Grazas por estar aí!